ဒီညခင္း
ေမွာင္ေနတယ္ အခ်စ္ရယ္
ကိုယ့္နံေဘးမွာေတာ့ အလြမ္းေတြက ငုတ္တုတ္
ၾကယ္မလင္းတဲ့ အေမွာင္မိုက္ထဲ
ရွာေဖြမိတဲ့ မ်က္၀န္းတစ္စံုက ပုန္းကြယ္ေန
အို... ကိုယ့္အနာဂတ္ေတြပါ ေပ်ာက္ဆံုးေနပါပေကာ
ေၾကမြခဲ့တဲ့ အိပ္မက္ေတြထဲမွာ
မင္းခ်န္ထားခဲ့တဲ့ ဖိနပ္ျဖဴကေလး တစ္ရံသာ
တိတ္ဆိတ္က်န္ရစ္
ထိုင္ဖူးခဲ့တဲ့ ခံုတန္းလ်ားေလးဟာ
က်ိန္စာမိထားသလို ေမ့ေမာျပေန
အို... ထမသြားပါနဲ႔ အလြမ္းရယ္
ကိုယ့္နံေဘးမွာပဲ ေန ေနေပးပါ
တိတ္ဆိတ္စြာ လြမ္းေနပါ့မယ္
ေျပာျပခ်င္တဲ့ စကားလံုးမ်ားစြာကို
ကူညီနားေထာင္ေပးပါ
ေပ်ာက္ဆံုးခဲ့တဲ့ အသိစိတ္ကို
ကူညီရွာေဖြေပးပါ
ထီးမေဆာင္တတ္တဲ့ ကိုယ့္အတြက္ တဲ့
ညေမွာင္ေမွာင္ထဲ မိုးက
မိတ္ေဆြလို ရြာက်လာတယ္။ ။
လမင္းအို
၁၄-၁၂-၂၀၁၁
No comments:
Post a Comment